Como conclusión

A educación actual non debe perder de vista o mundo que nos rodea, onde os medios de comunicación son parte esencial. Compre que estes medios se inclúan no eido educativo como ferramentas que favorezan o desarrollo de todas as capacidades dos rapaces.
Organizar unha Semana da Radio é perseguir unha serie de obxectivos que se integren nunha experiencia enriquecedora. Non se trata soamente das áreas de lingua, cos beneficios que isto conleva, senón, ademais, o asentamento do traballo en equipo, da colaboración e da curiosidade pola sociedade en xeral.
Esta 2ª Semana da Radio tamén pescudaba como finalidade dar a coñecer a música da nosa Galicia, pasado e presente, e se cadra prever os camiños que collerá no futuro. Galicia, igual que o resto do mundo, funda na súa terra influenzas de fóra, participando nunha mestizaxe que crea unha arquitectura musical descoñecida ata agora.
Tratamos, a través destas entrevistas a músicos, descubrir cal é o camiño que leva a música galega neste mundo cambiante. Cuestións como a propia mestizaxe, a piratería, os inicios musicais... son cuestións que foron tratadas e que nos descobren un mundo novo. Un mundo que se asenta nas nosas raíces, e que medra co único rumbo da universalidade.
Esperamos que en próximas edicións da nosa Semana da Radio podamos seguir espallando a cultura galega, poñer o noso pequeno gran de area para que a nosa cultura chegue aos rapaces e que estes descubran a riqueza da nosa terra. A literatura, o cinema, o teatro... son propostas. O curso novo dirá...

Lorena achéganos a música tradicional

Actuación de Lorena no colexio

Lorena

Lorena Freijeiro: a nosa fiestra a historia da música galega

Cando xa dábamos por pechada a 2ª Semana da Radio, de súpeto, abriuse unha oportunidade para seguir coñecendo a música da nosa terra, neste caso, na súa faceta máis tradicional. Non hai tantos anos estudou no noso colexio unha rapaza que co tempo chegaría a ser a primeira licenciada en gaita da nosa terra: Lorena Freijeiro. Esta antiga alumna, nacida no ano 83, adicou unha gran parte da súa vida a este intrumento, sendo alumna dalgúns dos máis grandes gaiteiros, nomes propios como Carlos Núñez, Xose Luís Miguelez, Xose Manuel Budiño, Patrick Molar…
Ademais de ser profesora de música de primaria, (fixo as prácticas tamén no Divino Salvador), é actualmente profesora de de gaita galega no Conservatorio da Guarda, no Conservatorio de Ponteareas e na Escola de Bandas de Gaitas da provincia de Pontevedra.
Na súa traxectoria atopamos unha chea de concertos e colaboracións; a lista sería interminable: concertos con Carlos Núñez, colaboración con The Chieftains, solista no festival de Rudolstadt (Alemaña), participación coa Banda de gaitas “Provincia de Pontevedra” en festivais intercélticos (Ortigueira, Francia, República Checa, New York)…
Cos seus recén cumpridos vintecinco anos, non só poderíamos falar moito do seu pasado e dos seus logros no mundo da música, senón tamén, e isto é máis importante ainda, do futuro prometedor que ten por diante.
Co motivo da celebración das Letras Galegas, achegouse Lorena ao noso centro para dar dúas charlas, unha aos máis pequenos e outra aos alumnos/as de Primaria, sobre a gaita e a súa historia.

A aventura da música

Berrogüetto e o seu novo disco

Pasado e presente

Falan membros de Berrogüetto

Explicación do nome do grupo

Dos seus inicios

Visita dos Berrogüetto

O último dos grupos que pasaron pola nosa Semana da Radio foi Berrogüetto, un grupo que tenta dende os seus inicios que a música tradicional galega trascenda fronteiras, conservando a paixón polas nosas raíces. Anxo Lois Pintos e Quico Comesaña estiveron no noso centro para falarnos da historia do grupo e tamén da traxectoria da música galega e de como con certa sensibilidade esta pode acadar éxitos en todo o mundo.
Berrogüetto naceu en 1996 cun primeiro álbum de título Navicularia, un éxito entre crítica e público que daba o punto de partida a unha carreira de catro discos que conseguiron levar a música tradicional por un camiño de diversidade e contemporaneidade que xa iniciaran outras bandas como Milladoiro ou Luar Na Lubre.

Como diría Rodrigo Romaní, unha das figuras máis emblemáticas da música galega de todos os tempos: “Berrogüetto é o nome da subversión en contra do acomodaticio e do rutineiro. É a procura dun alén no decorrer das horas de traballo honesto e sincero, na beleza agochada no trasluz da constancia. Berrogüetto é o nome da minuciosidade puntillísta, do fino encaixe de harmonía e tempo, da áxil melodía que non se contenta coa súa galanura e alza os ollos para enxergar horizontes máis azuis e máis amplos”.

Sobre a piratería

Sobre a composición

Mon fala dos seus inicios

O cantante Mon visita a Semana da radio

Sacar un disco ao mercado non resulta tarefa fácil na actualidade, en que a piratería fai que as discográficas non arrisquen con novos valores. Sacar un disco e ademais producido por Alejo Stivel, un dos máis grandes produtores musicais do páis, é aínda máis complicado. O noso seguinte convidado á Semana da Radio conseguiu facelo.
Mon iniciou a súa andaina musical cun grupo chamado Lombardi, co que gravou un disco, para despois lanzarse a unha carreira en solitario, acompañado da súa propia banda. Co seu estilo, que navega entre o rock e o pop, sacaría un disco e proximamente novo traballo.
Ser de Nigrán non foi un hándicap para el, como tampouco ser curmán de Iván Ferreiro (Los Piratas), xa que desde o principio buscaría a súa propia esencia e o seu propio estilo.
A charla cos alumnos de 4º da ESO centrouse sobre todo no panorama da música e como está cambiando por culpa da piratería, do nacemento de novas tecnoloxías, e cara onde irá no futuro a gravación de discos. Contounos, cunha morea de detalles, como e canto custa gravar un disco. O difícil que resulta logo vendelo e labrarse un futuro nun mundo cheo de figuras televisivas e onde os medios de comunicación apostan por valores seguros. Mon estivo unha hora con nós e coa súa simpatía conseguiu gañarse non só aos rapaces, senón ademais, interesalos polos pormenores, a veces ocultos, do mundo da música galega.

Máis da piratería musical

Samuel Leví fala da piratería

A música como arte

Samuel fala dos seus inicios musicais