Pechando a 3ª Semana da Radio

Os rapaces chegan á escola cos petos cheos de coñecementos que a sociedade lles vai dando. A través dos medios de comunicación o mundo ábrese ante eles e os vai preparando para participar desa mesma sociedade no futuro. A escola non pode permanecer allea a isto. A súa función é a de aproveitar ao máximo as capacidades dos nenos e nenas e potencialas para convertilos en homes e mulleres de proveito para os próximos anos.

Esta experiencia educativa pretendeu, dende o seu comezo, mergullar aos alumnos/as nos medios de comunicación para descubrir xuntos a pluralidade cultural da nosa terra. A radio como medio motivador que axude a espallar entre eles esa parte importante de Galicia que moitas veces ten difícil acceso á escola: a música, o cinema... é tarefa nosa tamén que medre a curiosidade nos rapaces arredor desa cultura.

Este ano o eixe argumental foi o cinema galego, nestes tempos en que o audiovisual galego non deixa de medrar. O recoñecemento exterior da boas mostras de que neste campo o traballo que se está a realizar en Galicia é exemplar. Partindo do ámbito local as produccións galegas son premiadas polo mundo enteiro e acadan a calidade de calquera producción internacional. Queríamos que os alumnos coñeceran, valoraran e apreciaran esta labor. Que descubrisen por si mesmos a importancia do audiovisual galego, a validez das películas feitas aquí e as destacadas cualidades dos actores e actrices da nosa terra. Quen sabe se algún acabará collendo este camiño, a senda de sementar historias, de narrar o vivido ou de soñar con outros mundos posibles.

A través dalgunhas entrevistas, do visionado dalgunhas cintas e da realización de programas de radio achegámonos neste curso ao mundo do cinema. A nosa pretensión é a de continuar en vindeiros anos con esta experiencia. Seguir achegando dunha forma práctica a sociedade e a cultura aos rapaces. A porta queda aberta para todas as suxerencias que xurdan. Queremos seguir esforzándonos para que unha semana cada curso o noso centro sexa un faro que guíe coa súa luz a curiosidade cara nós. Aprender xuntos, traballando xuntos.

Cine locura

Cinema Taboo

Cinema Teen

Programas da ESO

Como experiencia enriquecedora e cun claro obxectivo de motivación, tres grupos de alumnos da ESO (de 1º e de 2º) elaboraron uns programas de radio onde se mesturasen cinema e literatura. Dous dos programas ademais, debido a asignatura onde nacen, están en lingua inglesa.

Un dos fundamentos desta Semana da Radio, xunto coas anteriores edicións, é a de que os alumnos/as participen e formen parte activa desta experiencia. É un xeito distinto de aprender que sin a colaboración dos profesores dificilmente podería levarse a cabo. A resposta dos rapaces, coma sempre, supera o esperado.

Debemos dicir que unha alumna de 2º da ESO, Nair, traballou na elaboración dun dos programas pero a súa voz non aparece porque o día da gravación estivo enferma. Dámoslle a ela tamén as grazas polo seu esforzo.

Estes mesmos alumnos, os de 1º da ESO, son os que elaboran o seu propio blog adicado aos libros:

http://www.elclubdelamedianoche.blogspot.com/

Para ser un bo locutor

Os comezos

Hai que ser positivo

De premios

Dar o mellor

Atrévete

A mellor entrevista

Javier Cárdenas

Contar na nosa Semana da Radio cun dos locutores máis escoitado do panorama radiofónico nacional é un auténtico privilexio. Non sempre os retos que nos propomos pódense levar a cabo, pero neste caso, ao propio Javier Cárdenas pareceulle unha gran idea e púxose á nosa disposición para que algúns rapaces e rapazas de 6º de Primaria lle fixeran unha pequena entrevista.

Deste locutor poderíamos, pese a súa mocidade, falar moito. Simplemente dicir que con só 9 anos e da man de Agustín Rodríguez, unha das mellores voces que tivo a historia da radiodifusión española, Javier ingresou no programa Peques Unbic, en Radio Juventud.

Aos 16 comezaba a retransmitir partidos de fútbol da man de Alfonso Arús en Antena 3 Radio. Cadena Radio, Radio Club25, M80, Radio España, entre outras, foron emisoras onde Javier tivo a fortuna de colaborar.

Precisamente foi na Cadena Ser onde Cárdenas pasou a maior parte dos seus anos na radio. Agora, os oíntes de Cadena DIAL escoitan cada mañá a voz de javier xunto ao resto do equipo do programa Atrévete, un dos programas matinais máis escoitado. Unha boa forma de empezar o día cun chisco de humor e de información. Atrévete foi galardonado cun premio ONDAS, o maior premio que pode levar no noso país un programa de radio.

A entrevista que os alumnos/as do noso centro lle fixeron foi dunha gran dificultade técnica ao facerse vía telefónica. Iso réstalle calidade ao resultado. Espero que saiban perdoar o resultado final para descubrir non só a un gran locutor senón tamén a unha gran persoa.

Vivir de curtas

Soños da infancia

O problema da iluminación

Facer cine en Galicia

Dos apoios á animación

Do soldadiño de chumbo

Da técnica