9ª Semana da Radio

O curso, devagar, vai percorrendo o seu camiño. É hora de volver ao que nos gusta: a radio. Dentro duns días daremos comezo a unha nova edición da Semana da Radio. Este ano, despois de darlle moitas voltas, queremos botar unha ollada ao panorama científico galego. Queremos recuperar da memoria o nome de grandes científicos galegos e tamén descubrir que se coce na ciencia que se fai na nosa Comunidade. Dende esta esquina do mundo, hai persoas que traballan duro para que a ciencia avance, e para que o noso planeta sexa un pouco mellor. A todos eles dedicaremos estes traballos. Esperamos aprender con vós.