O mércores 7 de febreiro achegouse ao noso centro o veterano atleta Carlos Pérez Alonso, cunha longa traxectoria de éxitos ao longo de vinte anos de vida deportiva. Carlos Pérez foi un dos máis notables campións do atletismo galego chegando a acudir a tres citas olímpicas: Roma 1960, México 1968 e Munich 1972.Vigués de nacemento (1935) iniciouse no atletismo en 1952, chegando a ser 46 veces internacional absoluto, participando non só nos xogos olímpicos senón en innumerables campionatos do Mediterráneo, europeos, iberoamericanos... A súa vida deportiva sempre foi exemplo de entrega e valores.
No noso colexio, cun público composto por alumnos de 2º e 4º da ESO, Carlos Pérez debullou unha charla titulada "O mundo olímpico por dentro", onde nos foi mergullando a todos nas anécdotas vividas nos tres xogos olímpic
os nos que participou. Nestes, coincidiría con atletas considerados históricos, (como Wilma Rudolph "a gacela negra", Abebe Bikila, Bob Beamon, ...), e con momentos de grande tensión como a matanza da Praza das Tres Culturas en México, ou todo o acontecido co grupo terrorista "Setembro Negro" na villa olímpica de Munich.Foron dúas horas que realmente pasaron voando e que remataron cunha serie de preguntas que realizaron algúns dos alumnos a este destacado vigués ao que, naturalmente, esperamos volver a ver no noso centro.