Este curso, igual que outros anos, visitáronnos algúns autores e autoras de literatura infantil. Sabemos que ler é moi importante e gústanos mergullarnos en bos libros para simplemente divertirnos. Algunhas veces, mesmo aprendemos moito.
Neste curso visitáronnos An Alfaya e María Canosa.
Esta última, María, é a autora de moda. Acaba de gañar o Premio Merlín da editorial Xerais, que é o premio máis importante que se da en Galicia á literatura infantil. Pois debimos traerlle sorte, porque un par de meses antes estivo con nós no cole. Achegouse para falar dun libro que limos: Rubicundo. Unha historia fantástica que nos atrapou dende o principio e da que tivemos a sorte de falar coa súa autora, María Canosa.
E a quen se atopou María cando estivo no cole? Pois claro, a Pekka Poro, a mascota de Finlandia que aínda estaba en 5º. Que curioso encontro o de María e Pekka. E nós estabamos alí para sacar a foto que o demostra.
 |
| Pekka Poro aprendeu un pouco de galego para poder ler Rubicundo |
 |
| Os alumnos e alumnas de 5º de Primaria con María Canosa que sostén a Pekka Poro no colo |